Холанд: Гвардиоланинг баъзи одатлари ғашимга тегади

"Манчестер Сити" марказий ҳужумчиси Эрлинг Холанд жамоа бош мураббийи Хосеп Гвардиола ҳақида фикр билдирди. 

"Пепнинг баъзи одатлари мени ғашимга тегади. Чунки у майда-чуйдаларга жуда катта эътибор беради. Айнан шу нарсалар уни бироз асабий қилади. У бир нарсани 20 марта такрорлаши мумкин. Бошқа йўл қолмайди – рози бўлишинг керак", – дея норвегиялик ҳужумчининг сўзларини "CBS Sports" келтиради. 

Жорий мавсумда Холанд Англия Премьер-лигасида 22 ўйинда майдонга тушиб, 17 та гол урди. 22-турдан сўнг "Манчестер Сити" Англия чемпионати жадвалида бешинчи ўринни эгаллаб турибди.