Холанд ҳеч ким эришмаган “даҳшатли” рекорд ўрнатди

Англия Премьер-лигасининг 14-турида “Манчестер Сити” сафарда “Фулхэм” билан куч синашди ва голларга бой бўлган баҳсда 5:4 ҳисобида қийин ғалабага эришди.

Ушбу учрашувда манчестерликлар ҳужумчиси Эрлинг Холанд битта гол билан тарихга кирди. Бу аниқ зарба норвегиялик форварднинг Англия Премьер-лигасидаги 100-голи бўлди.

Шу тариқа, 25 ёшли Холанд АПЛ тарихида энг тез 100 та гол урган футболчига айланди. Бунга эришиш учун Эрлингга 111 та учрашув кифоя қилди.

Аввалги рекорд “Ньюкасл”да ўйнаган Алан Ширерга тегишли эди. Англиялик ҳужумчи ўз даврида 125 та учрашувда рақиблар дарвозасини юз марта ишғол қилган.

Бу кўрсаткич бўйича кучди учликни “Тоттенхэм”да ўйнаган Ҳарри Кейн якунлаб турибди. 32 ёшли форвард Англия Премьер лигасидаги голлари сонини юзтага етказиш учун 142 та учрашув керак бўлган.