Холанд жами нечта пенальти тепганини ва қанча гол урганини биласизми?

Чемпионлар лигасининг чорак финалида “Манчестер Сити” футболчилари Мюёнхенда “Бавария” меҳмони бўлди.

Учрашувнинг 37-дақиқасида манчестерликлар тўпурари Эрлинг Холанд пенальтидан фойдалана олмади. Норвегиялик ҳужумчи тепган тўп дарвоза тўсини устидан ўтиб кетди.

Статистика мутахассислари Холанднинг пенальтилар бўйича статистикасини ҳисоблаб чиқишди. Унга кўра, 22 ёшли футболчи фаолиятини атиги учинчи бор 11 метрлик нуқтадан тўп кирита олмаган экан.

Бунгача Холанд 2020-2021 йилги мавсумда “Боруссия”да ўйнаб юрган вақтида икки марта пенальтидан гол ура олмаган.

Эрлинг катта футболда жами 36 маротаба нуқтадан зарба йўллаб, шуларнинг 33 тасини голга айлантира олган.

Фикрлар

Фикр қолдириш учун авторизациядан ўтинг!