Холанд келди, энди бу ҳужумчи керакмас!

“Манчестер Сити” раҳбарияти Эрлинг Холанд трансферини ижобий ҳал қилганидан кейин жамоа ҳужумчиси Габриэль Жезусни сотиб юборишга қарор қилди.

Журналист Николо Скиранинг маълум қилишича, бразилиялик футболчини “Арсенал” ўз сафига қўшиб олмоқчи. “Канонирлар” 25 ёшли форвардни ўз сафига қўшиб олиш учун “шаҳарликлар”га 40 миллион евро тўлашга тайёр.

Бироқ “Манчестер Сити” мутасаддиларининг мақсади сал бошқачароқ. Улар 2017 йили    32 миллион еврога олиб келинган ҳужумчини деярли икки баравар қимматга сотмоқчи.

Габриэлнинг амалдаги шартномаси бир йилдан кейин якунланишини инобатга олиб, “Арсенал” музокарачилари унинг трансфер суммасини пасайтира олишига ишонмоқда.