Холанд «Манчестер Сити» атрофидаги вазият фонида мухлисларга мурожаат қилди

«Манчестер Сити» ҳужумчиси Эрлинг Холанд клубга қарши молиявий иш бўйича юзага келган вазият фонида жамоа мухлисларига мурожаат қилди.

Норвегиялик футболчининг айтишича, жамоа аъзолари бирдам бўлиб, ижобий кайфиятни сақлашга ҳаракат қилишлари керак. Шунингдек, у ҳаётда нима содир бўлишидан қатъи назар, доимо табассум қилиш лозимлигини таъкидлади.

«Шунинг учун ижобий кайфиятни сақлаш, олдинга қараш, ўйинларда ғалаба қозонишга ҳаракат қилиш ва завқ олиш керак. Биз бирга бўлишимиз ва бир-биримизга меҳр улашишимиз лозим», — дея Холанднинг сўзларини Sky Sports келтирди.

Аввалроқ «Манчестер Сити» ушбу иш бўйича апелляция бериши ҳақида хабар берилган эди. Ҳозирча клубга нисбатан қандай санкциялар қўлланиши аниқ эмас, чунки жараён давом этмоқда.

Аввалроқ ОАВ «Манчестер Сити» қуйи дивизионга туширилиши, шунингдек, клубдан совринлар олиб қўйилиши мумкинлиги ҳақида хабар берган эди.