Холанд қайси жамоани танлайди? Унинг агенти жавоб берди
Кун мавзуси Эрлинг Холанд трансфери бўйича янгиликларни етказишда давом этамиз. Кеча унинг отаси Альф-Инге ҳамда агенти Мино Райола бир неча гранд жамоалар билан музокара олиб боргани ҳақида хабар берган эдик.
Бугун машҳур агент Райола мижози фаолиятини қайси жамоада давом эттиришни истаётганини маълум қилди. 20 ёшли ҳужумчи Ла Лигада ўйнашни хоҳламоқда. У "Барселона" ёки "Реал"дан бирини танлайди. Бошқа клублар билан музокара ўтказмайди.
Аввалроқ, норвегиялик футболчига Англиядан ҳам бир неча даъвогарлар борлиги айтилганди. "Челси", "Ливерпуль", "Манчестер Сити" ва "Манчестер Юнайтед"дан жиддий қизиқиш борлиги маълум қилинган эди.
Эрлинг Холанд жорий мавсум "асаларилар" сафида 31 та ўйинда майдонга тушиб, 33 бор рақиблари дарвозасини ишғол этган. Унинг "Боруссия" билан амалдаги шартномаси 2024 йилнинг 30 июнига қадар мўлжалланган.
Фикрлар