Хорватиялик футболчининг "совчилар"и кўпайди

Шотландиянинг "Селтик" клуби ва Хорватия терма жамоаси ярим ҳимоячиси Йосип Юранович испан грандлари эътиборини тортган.

Estadio Deportivo хабарига кўра, 27 ёшли иқтидорли футболчи учун Каталониянинг "Барселона" ва Мадриднинг "Атлетико" клублари кураш олиб боради.

Шотландия клуби футболчисига қизиқиш ортганини унинг Қатар майдонларида бўлиб ўтган жаҳон чемпионатидаги муваффақиятли ўйинлари билан изоҳлаш мумкин.

Эслатиб ўтамиз, Хорватия терма жамоаси жаҳон чемпионатида бугун Марокашга қарши учинчи ўрин учун ўйин ўтказади. Баҳс 20:00да бошланади.