Хойлунд: «Португалия ва Роналду вазиятни ҳал қилишларига умид қиламан»
Дания миллий жамоаси ва «Наполи» ҳужумчиси Расмус Хойлунд Криштиану Роналду ва Португалия миллий жамоаси ўртасидаги муносабатлар тикланишига умид билдирди.
41 ёшли футболчи Португалия бош мураббийи Жорже Жезуш 27 сентябрь куни Миллатлар лигасида Норвегияга қарши учрашувда уни майдонга туширмасликка қарор қилганидан сўнг миллий жамоа ихтиёрини тарк этган. Хабарларга кўра, ҳужумчи Португалия миллий жамоасида бошқа ўйнамасликка қарор қилган.
«Матбуотга шов-шувли сарлавҳалар кераклигини биламан — Криштиану билан бундай сарлавҳалар етарлича топилади. Мен аввал ҳам Криштиану менинг асосий кумирим бўлганини яширмаганман. У доимо мен учун жуда катта аҳамиятга эга бўлган.
Менинг фикримча, унда ажойиб менталитет бор. Португалия миллий жамоаси ва Криштиану вазиятни ҳал қилишларига умид қиламан. Чунки менинг назаримда, барча даврларнинг энг буюк футболчиси учун ҳаммаси айнан шу тарзда якунланса, ачинарли бўлар эди», — деди Расмус Хойлунд.
Фикрлар