Хукер:"Мен жуда аҳмоқона хатолар қилганман"

Енгил вазн тоифасидаги UFC жангчиси Дэн Хукер фаолиятида йўл қўйган хатоларини айтиб ўтди.

“Мен жуда аҳмоқона ишлар қилган эканман. Яъни, бир пайтлар рейтингда бешинчи рақамда бўлганимда ҳам Майкл Чендлер билан жанг қилишга рози бўлгандим. Якунда эса Майклга ютқаздим. Энг алам қиларлиси, бу унинг UFC даги биринчи жанги эди. Ўшанда, дунёнинг нариги чеккасига – Абу-Дабига мураббийларсиз учиб кетиб, хато қилганимни тушундим. Бу воқеалардан ўзимга керакли хулоса чиқардим. Энди  аҳмоқона иш қилмайман, титул учун курашимни бошқа бировга бериб қўймайман", - дея Хукернинг сўзларини келтирди ММА News.

Эслатиб ўтамиз, 18 август куни бўлиб ўтган "UFC 305" турнирида Дэн Хукер(24-12) полшалик жангчи Матеуш Гамрот(24-3-1 N/C)ни очколар бўйича мағлуб этди.