Хулиан Альварес "Атлетико"дан кетиш истагини очиқ айтди

Мадриднинг “Атлетико” клуби ва Аргентина терма жамоаси ҳужумчиси Хулиан Альварес ёзги трансфер ойнасида жамоасини ўзгартириш ниятида эканини маълум қилди.

"Орзуйимни амалга оширмоқчиман. Клубда гаплашишим керак бўлган инсонлар билан суҳбатлашдим. Келажагим учун энг яхши қарор — бу трансфер", — деди Альварес.

26 ёшли футболчи ўтган мавсумда “Атлетико” сафида 52 та учрашувда майдонга тушиб, 20 та гол ва 10 та голли узатма муаллифи бўлди.

Аввалроқ ҳужумчига “Барселона”, “Реал Мадрид”, “Арсенал” ва Европанинг бошқа қатор топ клублари қизиқиш билдираётгани ҳақида хабарлар тарқалган эди.

Айни пайтда у Аргентина терма жамоаси билан Жаҳон чемпионатида иштирок этмоқда.