Хулиан Альварес келажаги бўйича қатъий якуний қарорга келди

Мадриднинг “Атлетико” клуби ҳужумчиси Хулиан Альварес ўз келажаги бўйича қатъий қарор қабул қилди. Футболчи клубини ўзгартириш режасидан воз кечмоқчи эмас. Бу ҳақда журналист Фабрицио Романо ижтимоий тармоқларда маълум қилди.

Таъкидланишича, аргентиналик футболчининг асосий мақсади ҳамон “Барселона”га ўтиш бўлиб қолмоқда.

Аввалроқ каталонияликлар Альварес учун тахминан 130 миллион евро таклиф қилишга тайёрлиги ҳақида хабарлар чиққан эди. “Атлетико” дастлаб футболчи учун 150 миллион евро талаб қилган, кейинчалик эса уни “Барселона”га ҳеч қандай сумма эвазига сотмаслигини маълум қилган.

Шу билан бирга, Альвареснинг ўзи ҳам омма олдида жамоасини алмаштиришни хоҳлашини очиқ айтган.