Хушнуд Авилов "Андижон"ни нега "Навбаҳор"га алмаштирди? Футболчи сабабини айтди
Андижонлик Хушнуд Авилов 2021 йилни “Навбаҳор” сафида ўтказиши ҳақида сайтимиз орқали хабар бергандик.
Эндиликда “Андижон”нинг собиқ футболчисига айланган Авиловни “Навбаҳор”га ким таклиф қилди? Нега “Андижон”да қолмади? Хушнуд бу борада sports.uz сайтига қуйидагиларни айтди:
- Мени “Навбаҳор” жамоасига Нўъмон Ҳасанов таклиф қилди. “Навбаҳор”нинг ўз олдига қўйган мақсадлари ёқди. Шу сабабли наманганликларни танладим. Бу жамоа билан 1+1 кўринишида шартнома имзоладим. Афсуски, “Андижон” билан келиша олмадик. Олдимда эса 3-4 та вариантлар турганди.
“Навбаҳор”дан ташқари менга “Сурхон”, “Қўқон-1912” каби клублардан ҳам чорловлар бўлганди. Албатта, “Андижон” ҳам мени олиб қолишга ҳаракат қилди. Лекин юқорида айтганимдек, улар билан келиша олмадик. Барибир “Андижон” клубига омад тилайман. Мен учун андижонлик мухлислар биринчи рақамлиси. Ҳар доим уларни яхши кўраман, - дейди Авилов.
Фикрлар