Xushxabar! Yana bir legionerimiz Osiyo kubogida qatnashadi

Yana bir legionerimiz Osiyo kubogida O‘zbekistonga yordam beradigan bo‘ldi. BAAning "Al-Vahda" klubida harakat qilayotgan legionerimizning klubi bilan kelishuvga erishildi.

"O‘FA Xojimat Erkinovning Osiyo kubogida ishtirok etishi borasida kelishuvga erishdi, futbolchimiz yaqin vaqt ichida terma jamoa ixtiyoriga etib kelishi kutilmoqda. 

Ayni paytda legionerlarimizning klublari bilan muzokaralar davom etmoqda. Muzokaralar natijasi O‘FA rasmiy sahifalarida e’lon qilinadi", - deyiladi O‘FA xabarida.

Eslatib o‘tamiz, Temur Kapadze boshchiligidagi O‘zbekiston Olimpiya terma jamoasi ertaga Osiyo kubogidagi o‘z yurishini boshlaydi.