Хвича: "Биз уддалай олишимизга ишонаман"

ПСЖ ҳужумчиси Хвича Кварацхелия "Ливерпуль"га қарши жавоб беллашувидан аввал матбуот анжуманида иштирок этиб, жамоасининг бўлажак учрашувдаги имкониятлари ва Париждаги ҳаёти ҳақида ўз фикрлари билан ўртоқлашди. 
  
"Биз ўзимизга тўлиқ ишонамиз. Жамоам билан бирга, буни қила олишимизни ҳис қилмоқдамиз ва орзуимиз учун курашамиз. 
 
Мен Парижга жуда яхши мослашдим, жамоа ва Луис Энрике билан ўзимни жуда яхши ҳис қиляпман. Биз навбатдаги баҳсда ўзгача нарса яратмоқчимиз" - деди "Наполи"нинг собиқ футболчиси. 
 
Хабарингиз бор, икки клуб ўртасидаги илк баҳс 0:1 ҳисобида мерсесайдликлар фойдасига якунланган эди. 
 
Маълумот ўрнида, 24 ёшли вингер жорий мавсум ПСЖ сафида 12 та беллашувда майдонга тушиб, 2 та гол ва 4 та голли узатмага муаллифлик қилган.