Яккакурашчи Наимжон Тўхтабоев рақибини нокаутга учратди
Ads

Аралаш яккакураш жанг санъатлари устаси ўзбекистонлик Наимжон Тўхтабоев ўзининг навбатдаги жангини Малайзиянинг Кота-Баҳру шаҳрида ўтказди. “King of Warriors” турнирида унга афғонистонлик Розиқ Атаи рақиблик қилди.

75 кг вазн тоифасида кечган мазкур жангда Наимжон катта устунликка эга бўлиб, рақибини муддатидан олдин нокаутга учратди.

Спортчимиз олдинги жангини Таиландда “Қирол кубоги” турнири доирасида ўтказиб, қўли синиб кетганлиги боис мағлубиятга учраган эди.