Якутскда эркин кураш бўйича жаҳон кубоги бошланди

Бугун Россиянинг Якутск шаҳрида эркин кураш бўйича жаҳон кубоги бошланди. Унда ўтган йилги мусобақаларда энг яхши натижани қайд этган 8 терма жамоа 2 гуруҳга бўлинган ҳолда баҳсларга киришди. "А" гуруҳидан Россия, Куба, Япония ҳамда Туркия терма жамоалари ўрин олган бўлса, "В" квартетидан АҚШ, Грузия, Эрон ҳамда Мўғулистон жамоалари жой олди. Бироз аввал биринчи беллашувлар якунланди. Унда қуйидаги натижалар қайд этилди: 

Россия - Куба 9:1

Япония - Туркия 8:2

АҚШ - Грузия 7:3

Эрон - Мўғулистон 9:1

Эслатиб ўтамиз, мусобақа регламентига кўра, ҳар бир терма жамоадан 10 нафар курашчи ўзаро баҳс олиб боришади. Мабодо икки жамоадан 5 иштирокчи ғолиб чиқса, баҳсда тўпланган очколар ҳисоб-китоб қилинади. Бироздан сўнг кечки дастурда ва эртага куннинг биринчи қисмида саралаш баҳслари ўтказилса, жамоалар эртага кечки пайт медаллар учун кураш олиб бориши белгилаб қўйилган.