Ямал “Барса”да яна қанча ўйнаши маълум бўлди

“Барселона”нинг 17 ёшли футболчиси Ламин Ямалнинг клуб билан амалдаги шартномаси 30 июнь куни якунига етади.

Каталонияликлар клуб тарбияланувчисига янги шартнома тайёрлаб қўйди. Бу битим футболчи 18 ёшга тўлиши билан имзоланиши кутилмоқда.

Ламин 13 июль куни 18 ёшга тўлади.

 Mundo Deportivo нашрининг маълум қилишича, “Барселона” Ламин Ямал билан амалдаги шартномаси 2030 йилнинг ярмигача узайтирмоқчи.

Футболчининг агенти Жорже Мендеш “Барселона” хўжайини Жоан Лапорта ва спорт директори Деку билан учрашиб, Ламин Ямал масаласини муҳокама қилишни режалаштирмоқда.

Ламин Ямал жорий мавсумда барча турнирларда 33 та учрашув ўтказиб, ўз ҳисобига 11 та гол ва 16 та ассист ёздириб қўйди.