Ямал ПСЖнинг таклифини рад этди

“Барселона”нинг юлдуз футболчиси ҳисобланган Ламин Ямал ПСЖнинг таклифини рад этди. 
 
Хабарингиз бор, бир неча ойдан буён испаниялик ҳужумчига Европанинг топ клублари жуда катта қизиқиш билдирмоқда. Бироқ, футболчининг ўзи каталонияликларни тарк этмаслигини ошкор қилди. 
 
“Mundo Deportivo” нашрининг ёзишича, парижликлар сўнгги ойларда “Барселона”га Ямал учун 200 миллион евро таклиф қилган. Манбага кўра, Ламин ҳам, клуб раҳбарлари ҳам ушбу таклифни ўйлаб ўтирмай рад этишган. Клуб мутасаддилари 17 ёшли футболчини “кўк-анорранглилар” учун муҳим футболчи, келажакда катта ёрдам беради ҳисоблайди. 
 
Маълумот ўрнида, Ямал жорий мавсум 32 та тўқнашувда иштирок этиб, 11 та гол ва 15 та голли узатмага муаллифлик қилган. Унинг клуб билан шартномаси 2026 йилгача мўлжалланган бўлиб, Тransfermarkt порталидаги нархи 180 миллион евро деб баҳоланмоқда.