Ямал уч нафар севимли футболчиси қаторига "Реал"да ўйнаган юлдузни қўшди

«Барселона»нинг ёш ва истеъдодли вингери Ламин Ямал болалигига оид қизиқарли саволга жавоб берди. Ундан қайси футболчиларни ёшликда ўзи учун идеал, деб билгани сўралди. Ямал жавобида «Барселона» ва «Реал» юлдузларини тилга олди.

- Болалигингизда севимли футболчиларингиз кимлар эди?

- Месси, Неймар ва Карим Бензема, - дея Ямалнинг сўзларини The Touchline нашри келтиради.

Ҳозирги пайтда Ламин Ямал ва «Барселона»нинг бошқа футболчилари Чемпионлар лигаси умумий босқичи биринчи туридан ўрин олган учрашувга тайёргарлик кўрмоқда. Каталония клуби ўз майдонида «Фейеноорд»ни қабул қилади. Беллашув чоршанба, 9 сентябрь куни бўлиб ўтади. Ўйин Тошкент вақти билан соат 21:45 да бошланади.

Эслатиб ўтамиз, 19 ёшли Ламин Ямал шу йил «Олтин тўп» учун 30 нафар даъвогар рўйхатига киритилган эди.