“Янги Роналдиньо” пайдо бўлди. Европа грандлари “ов” бошлади!

Европанинг кучли клублари  скаутлари “Палмейрас”нинг ҳужумкор футболчиси Луис Гильермени Европага кўчириб келиш бўйича иш бошлади.

18 ёшли футболчи профессионал даражада 40 тага яқин учрашув ўтказишга улгурди.

Nacional нашрининг хабар беришича, Англия грандларидан “Ливерпуль” ва “Манчестер Юнайтед” Луис Гильермени яқинлашиб келаётган ёзда ўз сафига қўшиб олишни режалаштирмоқда.

Луис Гильерме ўз ўйин услуби орқали юртида “янги Роналдиньо”, деган ном олган. Transfermarkt портали экспертлари бир неча позицияда ўйнай оладиган вундеркиндни 17 миллион еврога баҳоламоқда.