Янги стадион "Тоттенхэм"га омад келтирмоқда

"Тоттенхэм" клубининг янги стадионида қайд этаётган натижалари ажойиб бўлмоқда.

Gracenote Live нашрининг хабар беришича "шпорлар" "Тоттенхэм Хотспур Стэдиум"да ҳозирча 4та ўйин ўтказишди ва уларнинг барчасида ғалаба қозонишди. Тўплар нисбати эса 8:0.

Маурисио Почеттино шогирдлари янги аренада АПЛ доирасида "Хаддерсфилд" (4:0), "Кристал Пэлас" (2:0) ва "Брайтон" (1:0) жамоаларини енгишди. Чемпионлар лигасида эса "Манчестер Сити" (1:0) доғда қолдирилди.

Маълумот учун, "Тоттенхэм Хотспур Стэдиум" жорий йилнинг 3 апрель куни фойдаланишга топширилди. У ўз бағрига 62 минг томошабинни сиғдира олади.