"Янгиер" жамоасига янги бош мураббий тайинланди

Маълумки, Ўзбекистон Coca-Cola Кубоги гуруҳ босқичи доирасида “Янгиер” – “Андижон” (1:3) учрашувидан кейин мезбонлар бош мураббийи Бекзод Қодирқулов истеъфога чиққанди. Ниҳоят, унинг ўрнига янги бош мураббий тайинланди.

“Андижон” ва “Машъал” клубларидаги фаолияти билан таниш бўлган Диёр Мирзабоев расман “Янгиер-қурувчи” бош мураббийига айланди. Бу ҳақида жамоа матбуот хизмати хабар берди.

Мураббий бугун “Янгиер” қароргоҳига етиб келди ҳамда футболчиларга таништирилди.

Эндиликда янги бош мураббий дастлабки расмий учрашувини 28 апрель куни "Зомин"га қарши ўтказади.