Янгиланган WBO янгиланган рейтингида ўзбекистонликлар қайси поғонани забт этишди

Бутунжаҳон бокс ташкилоти (WBO) ноябрь ойи учун боксчиларнинг янги рейтингини эълон қилди. Бу ҳақда GoSport.uz интернет-нашри мухбири хабар бермоқда.

Унга кўра, рейтингда ярим ўрта (-66,68 кг) вазн тоифасида рингга чиқаётган Қудратилло Абдуқаҳҳоров (17-0, 9 КО) бу сафар ўтган ойдаги ўрнидан бир поғона юқорилаб, 10-ўринни банд этган. Айни вақтда Қудратилло Абдуқаҳҳоров IBF рейтингида биринчи, WBC рейтингида эса олтинчи ўринни эгаллаб турибди.

Ўта енгил (-50,80 кг, 112 фут) вазн тоифасида рингга чиқаётган ўзбекистонлик Олимжон Назаров (20-5, 11 КО) эса ўтган ойдаги кўрсаткичидан икки поғона юқорилаб 12-ўринга жойлашган. Эслатиб ўтамиз, Олимжон Назаров август ойида филиппинлик Иван Сорианони (20-3-1, 10 КО) очколар ҳисобида мағлубиятга учратиб, WBO Oriental (минтақавий) чемпионлик камари соҳиби бўлган ва шу орқали рейтингдан жой олганди.

Супер енгил вазн (-63,5 кг) тоифасида Ўзбекистон шарафини ҳимоя қилаётган Шоҳжаҳон Эргашев (17-0, 15 КО) эса ўтган ойдаги каби 11-ўринда қолган. Шоҳжаҳон Эргашев айни вақтда WBA рейтингида ҳам, IBF рейтингида ҳам бир хил — олтинчи ўринда бормоқда.

Рейтингдан ўзбекистонлик бошқа спортчилар жой олишмаган.