Янгилик! Энди Суперлига учрашувларини русча шарҳда ҳам томоша қилишингиз мумкин

Сўнгги икки мавсумдан буён Суперлига учрашувларининг аксариятини жонли эфирда намойиш этиб келаётган “Спорт” телеканали ходимлари тез кунларда яна бир янгиликка қўл уришмоқчи.

Телеканал директори Зоҳид Каримов ўзининг твиттердаги саҳифасида маълум қилишича Суперлиганинг 3-туридан ўрин олган “Пахтакор” – “Насаф”  ўйинидан бошлаб мухлислар “Спорт” телеканали орқали учрашувни бир вақтнинг ўзида ҳам ўзбек, ҳам рус тилларидаги шарҳда томоша қилишлари мумкин. Бунинг учун телевизор йўлагини керакли тилга ўзгартириш кифоя.

Эслатиб ўтамиз, “Пахтакор” – “Насаф”  ўйини эртага соат 18:00да бошланади.