Япония клуби ОЧЛ ғолибига айланди

Осиё Чемпионлар лигаси финалидан ўрин олган "Урава Ред Даймондс" - "Ал-Ҳилол"  жамоалари ўртасидаги жавоб баҳси бўлиб ўтди. Унда майдон эгалари 1:0 ҳисобида саудияликлардан устун келди. 

Андре Каррильо 48-дақиқада ўз дарвозасини ишғол этиб қўйди ва мазкур гол японияликларга ғалаба тақдим этди. Қайд этиш лозим, мазкур қарама-қаршиликдаги биринчи баҳсда жамоалар 1:1 ҳисобидаги дурангга имзо чекканди.