Япония терма жамоаси аъзоси Германия клуби билан шартнома имзолади

Германиянинг "Штутгарт" клуби "Сент-Трюйден" ярим ҳимоячиси Ватаро Эндони сотиб олди.

Таъкидлаш керакки, 27 ёшли япониялик футболчи жорий мавсумни "Штутгарт" сафида ижарада ўтказаётган эди. Унинг кўрсатаётган ўйини мураббийларга маъқул келган ва у ўтган давр мобайнида жамоанинг асосий таркиб футболчиларидан бирига айлана олди.

Эндо Япония терма жамоаси сафида 22 та ўйинда иштирок этган ва 1 та гол уришга эришган.