Яқинда футболга қайтган Наингголан ҳибсга олинди
Қисқа муддат аввал Бельгиянинг иккинчи дивизионидаги "Спортинг Локерен" клуби билан шартнома имзолаб, футболга қайтган Ража Наингголан ҳибсга олинди.
"HLN" нашрининг хабар беришича, 36 ёшли ярим ҳимоячининг қамоққа олинган. Наингголан Жанубий Америкадан Антверпен порти орқали Европага наркотик моддалар контрабандаси бўйича олиб борилаётган тергов доирасида ҳибсга олинган. Наингголанга нисбатан қўйилаётган аниқ айбловлар ҳозирча маълум эмас.
- Полиция ходимлари изоҳ беришдан бош тортмоқда. Биз, клуб сифатида, бу ҳолатни маъқуллаймиз. Фақатгина футболчининг эрталабки машғулотда қатнашмаганини тасдиқлашимиз мумкин, - дея футболчининг янги клуб вакиллари вазиятга изоҳ берди.
Маълумот учун, ўтган йилнинг июль ойидан бери жамоасиз ҳисобланган футболчи 22 январь санасида янги клуби билан шартнома имзолаган эди. Наингголан "Спортинг Lokeren" сафидаги дебют ўйинида бурчакдан гол урган эди.
Фикрлар