Яхши футболчи бу жамоани танламайди!

“Манчестер Юнайтед” афсоналаридан Рой Кин айни пайтда “Тоттенхэм” юқори савиядаги ўйинчиларга харидор бўла олмаслигини таъкидлади.

Куни кеча “Тоттенхэм” футболчилари “Челси”дан мағлубиятга учраганидан кейин бош мураббий Антонио Конте ўз жамоасига юқори савияли ўйинчилар етишмаганини айтиб, катта трансферлар вақти келганини уқтирганди.

- Ҳамма гап шунда – қайси топ ўйинчи “Тоттенхэм”га ўтишга рози бўлади? Айниқса, январда. Агар улар Чемпионлар лигаси йўлланмасини қўлга кирита олмаса, ёзда ҳам ҳеч ким келмайди. Бош мураббийнинг ўзи зўр бўлиши мумкн. Лекин у ҳам энг яхши вариантда шартномаси тугагунича “Тоттенхэм”да қолади.

Агар улар катта футболчилар учун пул тикса ҳам, “Тоттенхэм”га зўр ўйинчилар умуман келмайди, - деди Рой Кин.