Яхшибоев "Легия"да нима сабабдан майдонга тушмаётгани маълум бўлди

Бугун ҳамюртимиз Жасур Яхшибоев фаолият олиб борадиган "Легия" жамоаси ўз мамлакат чемпионати доирасида "Варта" клубига қарши баҳс олиб боради. SPORTS.uz сайтига маълум бўлишича, Яхшибоев мазкур беллашувда иштирок этмайди.

"Бўлажак баҳсда жамоамизга Игорь Левчук, Ариэль Мосор, Марко Весович, Жоэль Валенсия ва Жасур Яхшибоев ёрдам бера олмайди. Жасур келгуси ҳафта тикланиш машқларини бошлайди ва шундан сўнг, жамоавий машғулотларга қўшилади.

Аслини олганда, унинг жароҳати у қадар жиддий эмас эди. Аммо таваккал қилишни истамадик. Формага кириб олиши учун қанча вақт керак? Олдиндан бирор нарса деб бўлмайди", - деди "Легия" бош мураббийи Чеслав Михневич.