Бугун Беларусь Олий лигасида сўнгги, 30-тур ўйинлари бўлиб ўтмоқда. Ҳамюртимиз Жасур Яхшибоев фаолият олиб борадиган "Шахтёр" жамоаси ўз майдонида "Минск" клубини қабул қилмоқда.

Яхшибоев одатдагидек учрашувни асосий таркибда бошлади. Солигорскликлар етакчисига айланган Жасур Яхшибоевда Беларусь чемпионлигига эришган ўзбек футболчиси сифатида тарихдан жой олиш учун жуда яхши имконият бор.

Бунинг учун “Шахтёр” биринчи навбатда ўз уйидаги учрашувда ғалаба қозониши керак. “Шахтёр” рақибни тиз чўктирган тақдирда пойтахтдан хабар кутади. Солигорскликлар мақсадига эришиши учун “Динамо-Минск”нинг ёрдами керак. Улар  ўз майдонида чемпионат пешқадами БАТЭни тўхтатиб қолиши керак. Аслида “Шахтёр”ни ҳам “тахт”дан ағдарган мана шу “Динамо-Минск” бўлади. 26-турда бу жамоа Солигорскда кичик ҳисобда ғалаба қозонганидан кейин, БАТЭ мусобақа жадвалининг энг юқори поғонасида “Шахтёр”нинг ўрнини эгаллади.