Яхшибоевга Европа клублари қизиқиш билдира бошлади

Ижара асосида Беларуснинг "Энергетик-БГУ" клубида тўп сураётган Жасур Яхшибоев фаолиятини Польшада давом эттириши мумкин. Weszlo.com сайти тарқатган хабарга кўра, ҳамюртимизга "Ракув" жамоаси қизиқиш билдирмоқда.

Маълумот учун, трансфер ҳуқуқи "Пахтакор"га тегишли бўлган Яхшибоев жорий мавсум Беларусь чемпионатида 4  баҳсда майдонга тушди ва 3 та гол билан тўпурарлар баҳсида 1-ўринда бормоқда.

Қайд этиш жоиз, "Ракув" клуби 2018/19 йилги мавсум Польша Биринчи лигасида ғолиб бўлиб, Экстракласга чиққан. Жорий мавсум ченхстовликлар 26 учрашувда 36  очко тўплаган ҳолда турнир жадвалида 9-ўринда боришмоқда.