Йигирма ёшли футболчи ҳалок бўлди

Гананинг “Берекум Челси” клуби футболчиси Доминик Фримпонг 21 ёшга етмай туриб қуролли ҳужум натижасида вафот этди, деб хабар берди мамлакат футбол федерацияси матбуот хизмати.

“Берекум Челси” меҳмонда “Самартекс” жамоасига қарши Гана чемпионати учрашувида 0:1 ҳисобида мағлуб бўлган эди.

Маълум қилинишича, 20 ёшли Фримпонг жамоа ўйиндан қайтиб келаётганда қуролли талончилик натижасида ҳалок бўлган.

Қайд этилишича, Гана футбол федерацияси клуб ва тегишли органлар, жумладан мамлакат полицияси билан доимий алоқада бўлиб турибди, чунки ҳодиса бўйича тергов давом этмоқда.

Шунингдек, федерация келажакда бундай ҳолатларнинг олдини олиш учун ички мусобақаларга сафар қилаётган клублар учун хавфсизлик чораларини қайта кўриб чиқади ва кучайтиради.

Фримпонг 20 ёшда эди. Жорий мавсумда ҳужумчи “Адуана Старз” ва “Берекум Челси” жамоалари таркибида 13 та ўйин ўтказиб, 2 та гол урган.