Ёш боксчимиз тажрибали Элнур Абдураимовнинг нокаутлар сериясини тўхтатди!

Россия пойтахти Москва шаҳрида ташкил этилган профессионал бокс кечаси натижалари эълон қилинди. Турли мамлакатлардан келган кучли чарм қўлқоп усталари иштирокида ўтказилган мусобақада ўзбек бокс мактаби тарбияланувчилари ҳам рейтинг жангларида иштирок этди.

Таниқли боксчиларимиздан Элнур Абдураимов профессионаллар ўртасидаги еттинчи жангини 20 ёшли Шерзод Абдураҳмоновга қарши ўтказди. Олти раундлик беллашувда Шерзод тажрибали рақибига жиддий қаршилик кўрсатди. Охиригача кескин ва муросасиз курашларга бой бўлган беллашувда Абдураимов очколар ҳисобида ғолиб чиқди.

Элнурнинг олтита учрашувдан иборат нокаутлар серияси, шу тариқа, еттинчи жангда тўхтади.

145816_680

Мусобақанинг асосий жангида Мирзакамол Неъматов россиялик тажрибали боксчи Марат Хузеевга қарши рингга чиқди. Кучли зарбага эга боксчимизга бу тўқнашувни ўз фойдасига ҳал қилиш учун 42 сония керак бўлди холос. Профессионал рингда 39-жангини ўтказган россиялик чарм қўлқоп устаси ўзбек йигитининг муштидан кейин ўрнидан тура олмади.

Мирзакамол Неъматов  кетма-кет тўртинчи ғалабасини нишонлади.

мирза

Таъкидлаш жоизки, Марат Хузеевни ўз даврида машҳур боксчилар билан ҳам жанг қилиб, ном қозонган. Хусусан, россиялик боксчи амалдаги жаҳон чемпиони Сауль Альварес, Айдин Селжук, Виктор Плотников, Реда Зам Зам каби таниқли чарм қўлқоп усталари билан беллашган.

canelo-alvarez-43

Бундан ташқари, ўзбекистонлик боксчилардан Шоҳжаҳон  Эргашев ва Музаффар Расулов Хузеевни нокаут қилган бўлса, Бахтиёр Жўраев имкониятни бой бериб қўйган эди.  

Фарғоналик Баҳромжон Фозилов ҳам учрашувни муддатидан олдин якунлади. Тожикистонлик Нозимжон Тожибоевга қарши ўтказилган жангнинг иккинчи раундида ҳамюртимизнинг  аниқ зарбаси таъсирида тожикистонлик боксчи рингга қулади ва оёққа тура олмади.

62c3fe9baeebb3e1f8a052c1dac69cf1

Баҳромжон бир мағлубият ва икки дурангдан сўнг, кетма-кет иккинчи нокаутини нишонлади.

Ҳаваскор боксда катта тажриба тўплаб, кейин профессионал фаолиятини бошлаган Санжар Турсунов ҳам ўзбекистонлик бокс мухлисларини хушнуд этди. Икки йилдан кўпроқ ват мобайнида рингга чиқмаган Санжар анча тажрибали рақибга рўбарў келди. Беларуслик Юрий Биховцев олти раундлик рейтинг жангида ҳамюртимизга жиддий қаршилик кўрсатди. Бироқ, бу гал ёшлик шижоати тажрибадан устун келди ва Турсунов кетма-кет иккинчи ғалабасига эришди.   

91873_original

Яна бир боксчимиз Аббос Маҳаматйўлдошев тўрт йиллик танаффусдан кейин  яна рингга қайтди. Москвада шуғулланаётган ҳамюртимизнинг профессионал рингдаги фаолияти омадсиз бошланганди. 2015 ва 2017 йилларда иккитадан учрашувда мағлубиятга учраган Аббос ягона ғалабасидан сўнг, фаолиятини тўхтатганди.

23 ёшли андижонлик боксчи бу йилдан фаолиятини тиклади ва бешинчи жангини россиялик Начин Чамболдуга қарши ўтказди. Тўрт раундлик жангда кучлар тенг келди ва ҳакамлар бир овоздан дуранг натижа берди.

Матнда хатолик топсангиз, ўша хатони белгилаб, бизга жўнатинг (Ctrl + Enter)