Ёш волейболчиларимизга фақат мезбонлар бас келди

Волейбол бўйича Ўзбекистон U-16 терма жамоаси Арманистонда ўтган “Yerevan Mayor’s Cup-2025” халқаро турнирида муваффақиятга эришди.

Илк бор халқаро мусобақада иштирок этган ёш волейболчиларимиз Ереван спорт майдонида кечган баҳслар давомида тўртта давлат жамоалари билан куч синашди.

Техник-тактик жиҳатдан муносиб ўйин намойиш этган Ўзбекистон U-16 терма жамоаси финалга қадар ўтган барча ўйинларда ғалабага эришди.

1-ўрин учун кечган баҳсда ёшларимиз Арманистон жамоаси билан рўбарў келди.

Тенг курашлар остида ўтган учрашувда ўз уйингда деворлар ҳам қўллайди, деганларидек мезбонлар 1-ўринни, Ўзбекистоннинг ёш волейболчилар жамоаси 2-ўринни эгаллади.