Ёшлар ўртасидаги жаҳон чемпионатига саралаш бошланди

Жорий йилнинг 13–21 октябр кунлари Испаниянинг Рокетас-де-Мар шаҳрида 7–17 ёшли ўсмирлар ва қизлар ўртасида шахмат бўйича Жаҳон чемпионати бўлиб ўтади.

Мазкур жаҳон чемпионатида Ўзбекистон терма жамоасининг асосий таркиби сифатида жорий йилда 7–17 ёшли мактаб ўқувчилари ўртасида ўтказилган Ўзбекистон чемпионатининг стандарт йўналишида 1-ўринни эгаллаган спортчилар иштирок этиши режалаштирилган.

Мусобақада иштирок этиш истагидаги спортчилардан 4 сентябрга қадар ариза топширишлари сўралади.