"Юнайтед" собиқ футболчиси Линделёфни кетказишни талаб қилди

“Манчестер Юнайтед” афсонаси Пол Скоулз жамоа марказий ҳимоячиси Виктор Линделёфдан қаттиқ норози. Айниқса, фулбекнинг Европа Лигаси ярим финали доирасида “Севилья”га қарши кечган баҳсдаги ҳаракатлари МЮ собиқ футболчисига ёқмаган.

Скоулз унинг ўрнига бошқа юқори даражадаги футболчи олиб келинишини сўрамоқда. Ўзи шундоқ ҳам Магуайр клуб даражасида ўйнай олмаётганлиги, жамоа анчадан бери совринлар учун кураш олиб бормаётганлиги англияликка хуш келмаяпти.

Ўз навбатида, Линделёф 2017 йилдан буён манкунияликлар сафида ҳаракат қилиб келади. Унинг клуб билан амалдаги шартномаси 2024 йилга қадар мўлжалланган.