“Юве” бир неча ўйинчидан воз кечади

“Ювентус” А Серия ва Чемпионлар лигасида муваффақиятга эришиш учун таркибини қайта қуришга қарор қилди. Клуб раҳбарияти янги ижрочиларни олиш мақсадида ҳозирги футболчиларнинг бир нечтаси билан хайралашади.

Calciomercato нашри биринчи босқичда олти нафар футболчи клубни тарк этиши ҳақида маълумот тарқатди. Унга кўра, ҳимоячилардан Маттиа де Шильо ва Алекс Сандро, ярим ҳимоячилардан  Федерико Бернардески ва Артур Мело, ҳужумчилардан Мойзе Кин ва Альваро Мората кетиши кутилмоқда.

Шунингдек, Пауло Дибала пасайтирилган маошли таклифни қабул қилмаса, унга ҳам чиқиш эшиклари кўрсатилади.