«Юве» боши берк кўчага кириб қолишига ким айбдор? Роналду ёки Пирло?!

Sports.uz Турин супер клуби тушиб қолган вазият ҳақида фикр юритади.

Туринда нималар бўлмоқда?

elrpgperlgplerpge

«Ювентус» мавсумни расво қилиш учун қўлидан келган барча ишни амалга оширмоқда. Аввалига, Италия кубоги ярим финалида «Интер»дан мағлубият, кейин бир киши кам «Порту» билан омадсиз ўйин. Яқиндагина «Бенавенто» «зебралар»ни меҳмонда енгди. Италиянинг 16-ўриндаги клубининг ғалабасини тасодифга йўйишга шошилманг!

Пьяничнинг ўрнига таклиф этилган Артур бошлаб берган «ҳужум»ни трансфер ҳуқуқи ЦСКАга тегишли Адолфо Гайч голга айлантирди. Бу Филиппо Индзаги жамоасининг 90 дақиқа давомида йўллаган ягона зарбаси эди.

Нима учун Роналдуни танқид қилишмоқда?

gokerogkerokgerg

«Порту»га бой берилган ўйиндан сўнг, мухлислар армияси португалияликка «ҳужум» қилишни бошлади. Турин клуби собиқ футболчилари эса, конфликтни кенгайиши учун ўзлари сезмай керосин қуйиб турди. Аввалига Салватори Скилаччи катта саҳнага чиқди.

«Жорий мавсум Роналду учун Туриндаги сўнггиси бўлади. Тўғриси, унинг манзилига айтилаётган сўзларга Криш лойиқ эмас.»

Кўп ўтмай, ижтимоий тармоқлар орқали «Юве» афсонаси – Паскуале Бруно ҳам ўз фикрларини билдирди.

«Раҳбарият ҳаммасини расво қилмоқда. Улар Саррини олиб келиш мақсадида Аллегрини ишдан олишди. Муарисио атиги бир мавсум фаолият олиб борди, бироқ Роналду ва жамоадагилар кийиниш хонасида уни ҳурмат қилмади. Шу боис, Сарри ҳам четга чиқарилди.»

Бундай босимларга ўрганиб қолган Роналду тезда жавоб берди. Албатта, майдондаги ҳаракатлари билан. «Кальяри»га қарши баҳсда ҳужумчи 3 гол киритди. Шу тариқа, ўз хейтерларини бир муддат жим бўлишга мажбур қилди. Бир уринишда Пеленинг рекордини янгилаган Роналду ҳақида илиқ фикрлар ОАВ томонидан эълон қилингани рост. Криш ўз голларини нишонлар экан, қўллари билан қулоғини кўрсатди. Шу тариқ, у барча танқидларни эшитиб турганини маълум қилмоқчи бўлган бўлса, ажаб эмас.

Тан олиш лозим, Роналду ҳар ўйинда «Юве»ни елкасида олиб юришга қодир эмас. Ойига 4,5 миллион евро маош олаётган бўлса-да, унинг ёши ўтиб бораётганини тан олиш лозим. Қаҳрамонимиз «Бенавенто»га қарши баҳсда бор кучи билан ҳаракат қилди. 9 бор рақиб дарвозасига зарба йўллади. Ҳатто қайчи услубида ҳам уриниб кўрди, бироқ барча уринишлар фойдасиз. Роналду «Реал»да эришга барча ютуқлари ортида кучли жамоадошлари турганини ҳеч қачон яшириб ўтирмаган. Ҳозирги «Юве»да Рамос сингари туғма етакчи, Модрич сингари «жангчи» ёки Кроос сингари супер даражадаги ижрочини учратмайсиз. Шундай экан, Кришдан Мадриддаги натижани кутиш кулгили. Хўш, унда муаммо нимада?

Пирло нима билан банд?

adjifjwef

«Ювентус» пешқадам «Интер»дан 10 очко ортда қолмоқда. Ҳозир жамоа 4-поғонада, бироқ 5-ўриндаги «Наполи» билан ўртадаги фарқ атиги 2 очко холос.11 турдан бери ғалаба нималигини билмай келаётган «Бенавенто» жорий мавсумнинг иккинчи ўйинида ҳам «Ювентус»га мағлуб бўлмагани тасодиф, деб ўйласйзими?

27 турдан сўнг, 55 очко жамғарган Пирло ўз ўрнида хотиржам кўринмоқда. Ваҳоланки, бу кўрсаткич сўнгги 10 йил ичидаги энг  ёмонларидан бири. «Порту» билан юз берган воқеадан сўнг, мураббийни дарров раҳбарият қўллаб-қувватлаб фикр билдирди. Аньелли Пирло бошлаган проект гуллаб-яшнашига ишончи комил эканлигини баралла айтди. Жамоа спорт директори Паратичи билдирган фикр ҳаммасидан ўтиб тушди.

«Биз ўз йўлимизда давом этамиз. Эришган ютуқларимиздан мамнунмиз. Биргина мағлубият сабабли, ўз стратегиямизни ўзгартирмоқчи эмасмиз.»

Турин супер клуби нима учун Пирлога бу қадар ишонч билдираётгани тушунарсиз. Тактик ўқуви паст, тажрибасиз ва совуққон мутахассис «Юве» қилиши шарт бўлган вазифани ҳам уддалай олгани йўқ. «А серия»даги чемпионлик пойгаси ўз йўлига. Пирло яқин 10 йилликда ЕЧЛ учун курашадиган жамоа тузиш мақсадида таклиф этилган эди. Ҳозирда, «Юве»нинг шахсий ўйин услуби ёки фалсафаси кўзга ташланмаяпти. Шундай экан, агар кетиш керак бўлса, биринчи номзод Андреа Пирло. Роналдунинг кетиши кун тартибидаги иккинчи масала.

Матнда хатолик топсангиз, ўша хатони белгилаб, бизга жўнатинг (Ctrl + Enter)