"Ювентус" Аллегри борасида қандай қарорга келди?

"Ювентус" раҳбарияти жамоа бош мураббийи Массимилиано Аллегри билан хайрлашмоқчи эмас, деб хабар берди "La Gazzetta dello Sport" нашри.

Манбага кўра, клуб вазиятни тўғирлаш учун мураббийга 2022 йил охиригача имкон бермоқчи. Шунингдек, ОАВда "Ювентус" Аллегрини юқори товон туфайли ишдан бўшатишни истамагани ҳақида ёзмоқда.

А Сериянинг 9-туридан сўнг “Ювентус” 13 очко билан 8-ўринда бормоқда. Аллегри 2021 йилнинг май ойида иккинчи марта "Ювентус" бошқарувига келган эди.