"Ювентус" Аллегрини истеъфога чиқариши мумкин

2021 йилда клуб қийин ҳолатда қолиб кетганидан кейин "Ювентус" раҳбарияти Массимилиано Аллегрини ортга қайтарганди. Энди италиялик мутахассис истеъфога чиқарилиши мумкин. 

"Tuttosport"га кўра,  А Сериянинг кейинги иккита баҳси Алеггрининг келажагини белгилаб беради. Клуб қониқарсиз натижалардан ҳафсаласи пир бўлган. Агарда 56 ёшли мураббий жамоани тарк этадиган бўлса, унинг ўрнини "Болнья"да ишлаётган Тиаго Мотта эгаллаши мумкин.

Туринликлар сўнгги 4 та ўйиндан бери ғалаба нималигини билмай келмоқда. Шу билан бирга, турнир жадвалида иккинчи ўринни бой бериб, 3-поғонадан тушиб кетишга ҳам яқин турибди.