"Yuventus" Angliya terma jamoasi himoyachisini sotib olmoqchi

Turinning "Yuventus" klubi hamon "Tottenxem" himoyachisi Kiran Tripperning transferi borasida muzokaralarni davom ettirmoqda. Bu haqda Football-Italia nashri xabar tarqatmoqda.

Yuqoridagi manbaaga ko‘ra “keksa sinora” 28 yoshli Angliya terma jamoasi a’zosiga 5 yillik shartnoma va yiliga 2,6 mln evro maosh va’da qilmoqda. Gap shundaki, turinliklar Tripperni "Manchester Siti"ga o‘tishi kutilayotgan Joau Kanseluga munosib o‘rinbosar sifatida qarashmoqda.

Ma’lumot uchun, Tripper o‘tgan mavsum APLda jami 27ta o‘yinda maydonga tushdi va 1ta gol hamda 4ta golli uzatmaga mualliflik qilishga erishdi.