"Ювентус" Бернардескидан тезроқ қутилмоқчи

"Ювентус" раҳбарияти шу ёз ҳужумчи Федерико Бернардескидан қутилишни режалаштирмоқда.

Gazzetta dello Sport нашрининг ёзишича, 26 ёшли италиялик футболчи “кекса синьора” раҳбариятининг ишончини оқлай олмаган. Туринликлар унинг хизматларини “Фиорентина”га таклиф қилган. Қизиғи, “Юве” Бернардескини 2017 йил айнан “бинафшаранглилар”дан сотиб олган эди. Футболчининг ўзи эса “Атлетико”га ўтмоқчи.

Федерико ўтган мавсум “Ювентус” сафида жами 38 та ўйинда майдонга тушди ва ўз ҳисобига 2 та гол ҳамда 3 та голли узатма ёздириб қўйди.