"Ювентус" бош мураббийи "Интер"ни чемпионлик билан табриклади

"Ювентус" бош мураббийи Андреа Пирло "Интер"ни чемпионлик билан табриклади. У бу ҳақда "нерадзуррилар"га қарши бўладиган ўйиндан олдинги матбуот анжуманида айтиб ўтди.

"Интер"ни чемпионлик билан табриклайман, бу жамоа биздан кўра яхшироқ ва ғалаба қозонишга чанқоқ эди. Баъзи футболчилар бизга ёрдам бера олмаганидан афсусдаман, аммо афсусланиш амбициянинг бир қисмидир.

Эртага биз янги чемпионга қарши ўйнаймиз, бу мотивация. Биз Чемпионлар лигаси учун курашаётганимизни унутманг. "Интер"ни яна бир бор табриклайман, аммо биз ҳам бу мавсумда кўпроқ натижага эришишимиз мумкин эди”, - деди Пирло.

“Интер” А Серияда муддатидан аввал чемпионликни қўлга киритди. “Ювентус” эса 36 турдан сўнг 5-ўринда бормоқда. Бу ўрин янги мавсумда ЕЧЛга йўлланма бермайди.

"Ювентус" - "Интер" учрашуви бугун Тошкент вақти билан соат 21:00 да бошланади.