"Ювентус" Буффонга ўринбосар дарвозабон билан шартнома имзолади

“Женоа” дарвозабони Маттиа Перин фаолиятини “Ювентус”да давом эттиради. 25 ёшли футболчи Турин клуби билан 2022 йил ёзига қадар мўлжалланган шартномага имзо чеккан, дея хабар беради “Ювентус” расмий сайти.

Маълум бўлишича, “Ювентус” “Женоа” Перин учун 12 млн еврони уч йилда бўлиб тўлайди. Агар унинг ўйини ўхшаб кетадиган бўлса, “Женоа” яна 3 млн евро бонус олади.

Перин “Женоа” тарбияланувчиси ҳисобланади ва асосий жамоада 2010 йилда дебют қилган. Ўтган мавсум чкемпионатда 37 ўйиннинг 11 тасида дарвозаси дахлсизлигини сақлаб қолган.

Аввалроқ Турин клубини 40 ёшли Жанлуижи Буффон  тарк этган эди. У фаолиятини ПСЖда давом эттириши мумкин.

Фикрлар

Фикр қолдириш учун авторизациядан ўтинг!