"Ювентус" футболчиси қандай қилиб коронавирус юқтириб олганини айтди

“Ювентус” клуби ярим ҳимоячиси Блез Матюиди қандай қилиб коронавирус юқтириб олганини айтди.

“Тўғрисини айтсам, бу жуда қийин. Коронавирусга қарши тест натижалари мусбат чиққанидан кейин, ҳатто дўконларга ҳам чиқа олмасдим. Мен руҳий жиҳатдан азоб чекишни бошладим.

Менда касаллик аломатлари йўқ эди, аммо ташхис натижаларини билгач, шокка тушиб қолдим. Ваҳима ичида қолган эдим, ҳаётим ва яқинларимнинг саломатлиги учун қўрқардим. Бу улар учун жуда қийин эди, лекин мен уларни тинчлантира олдим. Биз бу воқеалар имкон қадар тезроқ тугашини хоҳлаймиз”, - дейди франциялик футболчи.