"Ювентус" ҳужумчиси терма жамоа йиғинига бормайди

"Ювентус" форварди Пауло Дибала Аргентина терма жамоасига чақирилмади. Терма жамоа матбуот хизмати маълумотига кўра, ҳужумчи соғлиғи билан боғлиқ муаммо сабаб йиғинни ўтказиб юборади.

Дибала Италия чемпионати 7-тури доирасида "Лацио"га қарши ўйиннинг 76-дақиқасида Криштиану Роналдунинг ўрнига майдонга тушди. Бироқ унинг хатосидан сўнг, римликлар ташкил этган ҳужум гол билан якунланди.

Аргентина терма жамоаси "ЖЧ-2022" саралаш босқичида Парагвай (13 ноябрь) ва Перу (18 ноябрь) билан баҳс олиб боради.

Фикрлар

Фикр қолдириш учун авторизациядан ўтинг!