"Ювентус" илк учрашувдаёқ юлдузидан айрилди

«Ювентус» янги мавсумни ғалаба билан бошлади, аммо шунга қарамай, жамоа муҳим футболчисидан айрилди. 

«Фрозиноне»га қарши ўйиндан сўнг туркиялик ярим ҳимоячи Кенан Йилдиз ўнг оёғидаги кучли оғриқдан шикоят қилди. Кейинги тиббий кўриклар эса энг ёмон тахминларни тасдиқлаши мумкинлиги айтилмоқда — футболчига жарроҳлик амалиёти керак бўлиши эҳтимолдан холи эмас.

Derbyderbyderby.it нашрининг ёзишича, ҳозирча операция масаласида якуний қарор қабул қилинмаган. Бироқ шундай эҳтимолнинг ўзиёқ вазият жиддий эканини кўрсатади. Агар жарроҳлик аралашуви зарур бўлиб қолса, Кенан камида икки-уч ой майдонга туша олмайди.

Бу эса Лучано Спаллетти жамоаси учун катта йўқотиш бўлади ва клуб раҳбариятини трансфер бозорида ўрнини босадиган футболчи қидиришга мажбур қилиши мумкин.