«Ювентус» «Интер» юлдузини ўз сафига қўшиб олмоқчи
«Ювентус» Хакан Чалҳаноғлуни сотиб олишга жиддий қизиқмоқда, музокаралар қишки трансфер ойнасида бошланиши кутилмоқда.
«Интер» ярим ҳимоячиси Ҳакан Чалханоглу келаси ёзда жамоасини ўзгартириши мумкин. Туркиялик футболчининг миланликлар билан шартномаси 2027 йилнинг июнь ойида якунига етади.
Инсайдер Экрем Конурнинг маълум қилишича, 32 ёшли футболчига Туриннинг «Ювентус» клуби қизиқиш билдирмоқда. «Кекса синьора» трансферни амалга ошириш учун ҳаракатларни бошлаган. Томонлар ўртасидаги аниқ музокаралар қишки трансферлар ойнаси давомида ўтказилиши кутилмоқда.
Чалханоглу 2021 йилнинг ёзидан буён «Интер» шарафини ҳимоя қилиб келмоқда. Transfermarkt портали футболчининг трансфер қийматини 16 миллион еврога баҳоламоқда.
Ярим ҳимоячи жорий мавсумда А Серияда еттита учрашувда майдонга тушиб, учта гол урди.
Изоҳлар (0)