"Ювентус" ишга киришди

Туриннинг "Ювентус" клуби "Манчестер Юнайтед" ярим ҳимоячиси Поль Погбани ортга қайтармоқчи, дея ёзмоқда "Sky Sports" нашри.

"Кекса синьоралар" вакиллари франциялик футболчининг агенти Мино Райола билан музокараларни бошлаб юборди. Аввалроқ, Погбанинг ўз ҳам "Юве" сафига қайтиш истаги борлигини яширмаган эди. 

Эслатиб ўтамиз, Полнинг "қизил иблислар" билан амалдаги шартномаси 2022 йилгача мўлжалланган. Ярим ҳимоячи ушбу мавсумда 15та ўйинда майдонга тушиб, 2та гол урган ва шунча голга ҳаммуаллифлик қилган.