"Yuventus" Moratani ortga qaytaradi

Futbol agenti Jovanni Branchinining fikricha, "Yuventus" ispaniyalik hujumchi Alvaro Moratani yana ortga qaytarishni rejalashtirmoqda.

“Yuventus”ning keyingi markaziy hujumchisi Moyse Kin, Luis Suares, Edin Jeko yoki Edinson Kavani bo‘lishiga ishonmayman. Men “Yuve” Moratani ortga qaytarishiga ishonaman”, - deydi agent.

Morata “keksa sinora” safida 2014-2016 yillarda to‘p surgan. U o‘tgan mavsum “Atletiko”da 44 ta o‘yin o‘tkazdi va 16 ta gol hamda 4 ta golli uzatmaga mualliflik qildi.